Leabharlanna

Féadfaidh leabharlanna poiblí leabhair, closleabhair, irisí agus nuachtáin ar líne a sholáthar ar féidir le baill na leabharlainne iad a íoslódáil agus a fháil ar iasacht saor in aisce.

Soláthraíonn leabharlanna poiblí raon cúrsaí ar líne saor in aisce, amhail scileanna ríomhaireachta, cuntasaíocht, scríbhneoireacht chruthaitheach agus síceolaíocht chun tacú le foghlaim ar feadh an tsaoil.

Féadfaidh leabharlanna poiblí pacáistí léitheoireachta a sholáthar do thuismitheoirí nua agus leabhair tosaigh do dhaltaí naíonán sóisearach agus sinsearach chun léitheoireacht agus litearthacht a chur chun cinn ó aois óg.

Féadfaidh leabharlanna poiblí DVDanna a thabhairt ar iasacht do bhaill na leabharlainne.

Féadfaidh leabharlanna poiblí faisnéis a sholáthar faoi chlubanna pobail, eagraíochtaí agus imeachtaí agus gníomhaíochtaí atá le teacht trí bhileoga a chur ar taispeáint, póstaeir a chur suas agus cláir fhógraí pobail a sholáthar.

Féadfaidh leabharlanna poiblí tacair leabhar seomra ranga a thabhairt ar iasacht do mhúinteoirí agus do scoileanna atá ina mbaill den leabharlann go ceann tréimhse fada.

Féadfaidh leabharlanna poiblí gníomhaíochtaí agus imeachtaí do leanaí a reáchtáil, amhail scéalaíocht, cuairteanna ag údair, ceardlanna scríbhneoireachta cruthaithí, ceardlanna séasúracha ealaíon agus ceardaíochta, agus seisiúin ar raon ábhar oideachais.

Féadfaidh leabharlanna poiblí faisnéis ar nós Achtanna an Oireachtais i gcló, tuairiscí cuideachtaí Éireannacha i gcló, faisnéis chuideachta agus mhargaidh ar líne, gearrtháin nuachtáin déanacha agus fógraí poist a chur ar fáil d’úsáideoirí leabharlainne.

Féadfaidh leabharlanna poiblí léirmheasanna leabhar a sholáthar i gcló nó ar a láithreáin ghréasáin chun an léitheoireacht a chur chun cinn.