Ealaíona agus Cultúr

Féadfaidh údaráis áitiúla, i dteannta le páirtithe leasmhara eile, teagasc ceoil a sholáthar do cheoltóirí atá ag obair i suíomhanna cúraim sláinte.

Féadfaidh údaráis áitiúla, i dteannta le páirtithe leasmhara eile, cláir cheoil, ealaíne agus amharclainne a reáchtáil i scoileanna chun mic léinn a spreagadh páirt a ghlacadh sna healaíona agus chun deis a thabhairt dóibh taibhiú.

Féadfaidh údaráis áitiúla cónaitheachtaí ealaíne, tionscadail óige, agus cláir ealaíon agus fholláine a reáchtáil chun rannpháirtíocht i ngach foirm ealaíne agus meas orthu siúd a mhéadú.

Féadfaidh údaráis áitiúla clár a reáchtáil chun cabhrú le daoine faoi mhíchumas rochtain a fháil ar na healaíona agus eispéireas a fháil orthu trí ghníomhaíochtaí amhail péintéireacht agus líníocht, dealbhóireacht, ceol, drámaíocht, damhsa agus filíocht chun tacú lena bhforbairt mar ealaíontóirí.

Féadfaidh údaráis áitiúla, i dteannta le Feidhmeannas na Seirbhíse Sláinte, gníomhaíochtaí a reáchtáil amhail péintéireacht agus líníocht, dealbhóireacht, ceol agus filíocht chun daoine a spreagadh páirt a ghlacadh sna healaíona agus a sláinte agus a bhfolláine a fheabhsú.

Féadfaidh údaráis áitiúla, i dteannta le páirtithe leasmhara eile, imeachtaí agus gníomhaíochtaí a reáchtáil san amharclannaíocht, sa cheol agus sa scannánaíocht chun leanaí agus daoine óga a spreagadh páirt a ghlacadh sna healaíona.

Féadfaidh údaráis áitiúla tograí a iarraidh ó ealaíontóirí gairmiúla, ó choimeádaithe agus ó eagraíochtaí ealaíon chun saothair amharcealaíon a chruthú agus iad a chur isteach le go ndéanfar breithniú orthu le haghaidh taispeántas poiblí.

Féadfaidh údaráis áitiúla doiciméid a fhoilsiú faoi na healaíona, amhail catalóga, bailiúcháin agus ábhar ar líne chun tacú leis na healaíona agus chun iad a chur chun cinn.

Féadfaidh údaráis áitiúla, i dteannta le páirtithe leasmhara eile, áiseanna ealaíon óige a sholáthar a thairgeann cláir agus gníomhaíochtaí, lena n-áirítear damhsa, amhránaíocht, ceolamharclannaíocht agus ealaín.

Féadfaidh údaráis áitiúla ionaid ealaíon a sholáthar a óstálann réimse gníomhaíochtaí amhail léirithe amharclainne agus ceoil, taispeáintí phictiúrlainne, taispeántais, aontaí ceardaíochta, agus ceardlanna ar gach foirm ealaíne.

Féadfaidh údaráis áitiúla tacú le féilte ealaíon áitiúla trí thacaíocht airgeadais a thabhairt, cláir fhéile a fhorbairt agus cur leo, ionaid a sholáthar agus féilte a chur chun cinn chun spéis sna healaíona a spreagadh.

Féadfaidh údaráis áitiúla tionscnaimh a reáchtáil do dhaoine scothaosta chun cabhrú leo rochtain a fháil ar na healaíona agus páirt a ghlacadh iontu mar ealaíontóirí, baill den lucht féachana, criticeoirí agus oibrithe ealaíon.

Féadfaidh údaráis áitiúla imeachtaí agus gníomhaíochtaí cultúrtha a reáchtáil chun folláine an phobail a chur chun cinn mar chuid den Chlár náisiúnta Éire Chruthaitheach.

Féadfaidh údaráis áitiúla ceathrúna cultúrtha a fhorbairt i gceantair uirbeacha ainmnithe chun cabhrú le pobail nuálacha a chruthú d’áitritheoirí agus do ghnólachtaí agus spás cultúrtha a sholáthar chun tairiscint miondíola agus turasóireachta an cheantair a fheabhsú.

Féadfaidh údaráis áitiúla imeachtaí agus gníomhaíochtaí a reáchtáil do leanaí agus do dhaoine óga, amhail amharclann sráide, ceardlanna, taispeáintí agus léitheoireacht mar chuid de Lá Náisiúnta Cruinniú na nÓg chun rannpháirtíocht i gcultúr agus i gcruthaitheacht a spreagadh.

Féadfaidh údaráis áitiúla, i dteannta le páirtithe leasmhara eile, léirithe ceoil, taispeántais agus turais a sholáthar i músaeim, i ndánlanna, i leabharlanna agus in ionaid eile mar chuid den Oíche Cultúir náisiúnta.

Féadfaidh údaráis áitiúla, i dteannta le páirtithe leasmhara eile, imeachtaí agus gníomhaíochtaí ceoil, oideachais, scannáin, liteartha, ealaíne agus staire a reáchtáil mar chuid dá gclár Phríomhchathair Cultúir na hEorpa.

Féadfaidh údaráis áitiúla tacaíocht airgeadais a sholáthar do ghrúpaí pobail agus deonacha agus d’aon duine a bhfuil baint acu le hearnálacha na n-ealaíon, an chultúir, na hoidhreachta agus na dteangacha chun tionscadail a fhorbairt d’fhonn rochtain ar na healaíona, cultúr agus cruthaitheacht, agus léirthuiscint orthu, a fheabhsú.

Féadfaidh údaráis áitiúla conairí ceoil, cláir oideachais, máistir-ranganna agus léachtaí a reáchtáil chun oidhreacht cheoil uathúil réigiúin a cheiliúradh agus a chaomhnú, turasóireacht a chur chun cinn agus spéis i léiriú ceoil traidisiúnta na hÉireann a spreagadh.

Féadfaidh údaráis áitiúla conairí bia agus deochanna, rianta ceoil agus rianta ealaíne, ceardaíochta agus dearaidh a reáchtáil chun cultúr áitiúil a thaispeáint agus láithreacha a chur chun cinn mar chinn scríbe turasóireachta tarraingteacha.

Féadfaidh údaráis áitiúla laethanta cultúir, léirithe ceoil, imeachtaí liteartha agus imeachtaí idirchultúrtha a reáchtáil chun feasacht chultúrtha a chur chun cinn.

Féadfaidh údaráis áitiúla spásanna maireachtála fóirdheonaithe a sholáthar d’ealaíontóirí aitheanta ar fud gach foirm ealaíne chun ligean dóibh maireachtáil, oibriú agus cur leis na healaíona ar leibhéal áitiúil.

Féadfaidh údaráis áitiúla tacú le coimeádaithe a ngairm a fhorbairt trí dheis a thabhairt dóibh taispeántais a choimeád agus a bhainistiú agus páirt a ghlacadh i gclár ealaíon an údaráis áitiúil.

Féadfaidh údaráis áitiúla ealaíontóirí a choimisiúnú chun píosaí dealbhóireachta, pictiúir nó múrmhaisithe a chruthú a dhíríonn ar chomhthéacs stairiúil agus cultúrtha an cheantair ina dtaispeántar iad.

Féadfaidh údaráis áitiúla clár poiblí ealaíne sa réimse poiblí agus saothair ealaíne atá ar taispeáint i bhfoirgnimh an údaráis áitiúil a choinneáil.

Féadfaidh údaráis áitiúla clár d’ealaíontóirí cruthaitheacha agus de thaibhealaíontóirí a choinneáil a oibríonn go háitiúil ar fud na bhfoirmeacha ealaíne go léir.

Féadfaidh údaráis áitiúla, in éineacht le healaíontóir cónaithe, cainteanna, léachtaí, ceardlanna agus ranganna ealaíne a reáchtáil chun léirthuiscint ar an ealaín a chur chun cinn.

Féadfaidh údaráis áitiúla, i dteannta le páirtithe leasmhara eile, oiliúint, forbairt agus meantóireacht a sholáthar chun cabhrú le healaíontóirí gairmiúla a ngairmeacha beatha sna healaíona a fhorbairt.

Féadfaidh údaráis áitiúla coimeádaí a fhostú chun cónaitheacht a ghlacadh go ceann tréimhse sonraithe ama chun a gClár Coimeádaí Cónaithe a sheachadadh.

Féadfaidh údaráis áitiúla dánlanna ealaíne poiblí a sholáthar agus a bhainistiú chun bailiúcháin ealaíne a chur ar fáil agus ealaíontóirí áitiúla, náisiúnta agus idirnáisiúnta a thaispeáint.

Féadfaidh údaráis áitiúla ealaíontóir a fhostú chun cónaitheacht a ghlacadh go ceann tréimhse sonraithe ama chun a gClár Ealaíontóirí Cónaithe a sheachadadh.

Féadfaidh údaráis áitiúla pictiúir, píosaí dealbhóireachta agus dealbha a fháil, a cheannach agus a chothabháil lena dtaispeáint, lena gcoinneáil go sábháilte agus do na glúnta atá le teacht.

Féadfaidh údaráis áitiúla faisnéis agus comhairle a sholáthar faoi na healaíona agus faoin imeachtaí na n-ealaíon trí nuachtlitreacha a fhoilsiú, bileoga a dháileadh, faisnéis a fhoilsiú ar na meáin shóisialta agus ar láithreáin ghréasáin, nó foláirimh ríomhphoist a sheoladh.

Féadfaidh údaráis áitiúla moil ealaíon a sholáthar d’ealaíontóirí chun a gcuid oibre a thaispeáint, ionas gur féidir leo iad a úsáid le haghaidh cleachtaí nó mar spásanna goir le haghaidh amharcealaíon, amharclannaíochta, ceoil, scríbhneoireachta agus cineálacha ealaíne eile.

Féadfaidh údaráis áitiúla stiúideonna inacmhainne a sholáthar d’ealaíontóirí chun cabhrú leo a gcuid oibre a fhorbairt agus cur leis na healaíona go háitiúil.

Féadfaidh údaráis áitiúla tacú le healaíontóirí agus le heagraíochtaí ealaíon maidir le saothair scríofa nó labhartha a chruthú i nGaeilge chun an teanga a chur chun cinn agus a cheiliúradh.

Féadfaidh údaráis áitiúla straitéisí a ullmhú chun rannpháirtíocht i ngníomhaíochtaí cultúrtha a chur chun cinn agus folláine a fheabhsú trí chultúr agus chruthaitheacht. Féadfaidh tú ionchur a bheith agat sna pleananna trí chomhairliúchán.

Ullmhaíonn údaráis áitiúla pleananna maidir leis na healaíona a fhorbairt, agus maidir le léirthuiscint agus rannpháirtíocht ealaíonta i ngach cineál ealaíne. Féadfaidh tú ionchur a bheith agat sna pleananna trí chomhairliúchán.

Cuireann údaráis áitiúla forbairt na Gaeilge chun cinn trí imeachtaí agus gníomhaíochtaí a eagrú i nGaeilge, trí thacú le grúpaí pobail agus le daoine atá ag iarraidh oibriú trí Ghaeilge, agus trí thacú le húsáid logainmneacha, comharthaíocht agus cultúr na Gaeilge.

Féadfaidh údaráis áitiúla sparánacht a dhámhachtain d’ealaíontóirí gairmiúla chun cabhrú leo a gcuid oibre agus a scileanna gairmiúla a fhorbairt sa chineál ealaíne atá roghnaithe acu.

Féadfaidh údaráis áitiúla tacaíocht airgeadais a sholáthar d’ealaíontóirí gairmiúla, do ghrúpaí ealaíon agus do ghrúpaí pobail agus deonacha chun tacú le tionscadail ealaíon a chuireann rannpháirtíocht an phobail leis na healaíona chun cinn.

Féadfaidh údaráis áitiúla tacaíocht airgeadais a sholáthar do chleachtóirí ealaíon agus do ghrúpaí amaitéaracha chun tacú le tionscadail phobail a chuireann spéis sna healaíona chun cinn.

Féadfaidh údaráis áitiúla tacaíocht airgeadais a sholáthar d’ealaíontóirí atá ag teacht chun cinn chun saothair a chruthú thar gach foirm ealaíne, lena n-áirítear ceol, damhsa, scannán, litríocht, amharclann agus taibhiú.

Féadfaidh údaráis áitiúla, i dteannta le comhpháirtithe Eorpacha, páirt a ghlacadh i dtionscadail a dhéanann iniúchadh ar a bhféiniúlachtaí áitiúla agus a neartaíonn iad, agus a fhorbraíonn tuiscint níos fearr ar na naisc chultúrtha agus stairiúla eatarthu.

Féadfaidh údaráis áitiúla tionscnaimh a reáchtáil chun comhionannas, éagsúlacht agus cuimsiú a chur chun cinn trí na healaíona agus chun cabhrú le daoine rochtain a fháil ar na healaíona agus páirt a ghlacadh iontu.

Féadfaidh údaráis áitiúla ceiliúradh lae náisiúnta agus gníomhaíochtaí ealaíon a reáchtáil le pobail nua chun éagsúlacht chultúrtha agus comhtháthú cultúrtha a chur chun cinn agus a cheiliúradh trí na healaíona.

Féadfaidh údaráis áitiúla tionscnaimh a reáchtáil do dhaoine faoi mhíchumas chun cabhrú leo rochtain a fháil ar na healaíona agus páirt a ghlacadh iontu mar ealaíontóirí, oibrithe ealaíon agus baill den lucht féachana.

Féadfaidh údaráis áitiúla tuarascálacha agus faisnéis ar chultúr a sholáthar do ranna rialtais agus do ghníomhaireachtaí eile.

Féadfaidh údaráis áitiúla tuarascálacha agus faisnéis ar na healaíona a sholáthar do ranna rialtais agus do ghníomhaireachtaí eile.

Bailíonn údaráis áitiúla sonraí seirbhísí cultúir agus tugann siad do ghníomhaireachtaí ábhartha iad.

Bailíonn údaráis áitiúla sonraí ealaíona agus tugann siad do ghníomhaireachtaí ábhartha iad.