Fóillíocht agus Áineas

Soláthraíonn agus cothabhálann údaráis áitiúla áiteanna súgartha le tithe súgartha, luascáin, crandaí bogadaí agus aonaid il-súgartha.

B’fhéidir go mbeadh ar chlubanna spóirt agus eagraíochtaí pobail agus deonacha ar mian leo páirceanna imeartha faoi úinéireacht údaráis áitiúil a úsáid iarratas a dhéanamh ar an údarás áitiúil ar cheadúnas.

Féadfaidh údaráis áitiúla, mar aon lena gComhpháirtíochtaí Spóirt Áitiúla, cláir a reáchtáil chun spórt agus gníomhaíocht choirp a chur chun cinn, amhail imeachaí trastíre, siúlóidí sléibhe do theaghlaigh, cláir shnámha scoile, campaí um chuimsiú spóirt, agus imeachtaí gníomhaíochta coirp do leanaí, do theaghlaigh agus do dhaoine scothaosta.

Féadfaidh údaráis áitiúla imeachtaí a sholáthar nó a éascú i bpáirceanna poiblí, amhail pictiúrlanna lasmuigh, margaí, gníomhaíochtaí sláinte agus folláine, agus imeachtaí do leanaí chun an pobal a spreagadh na páirceanna a úsáid.

Féadfaidh údaráis áitiúla tacaíocht airgeadais a sholáthar do choistí nó soláthraithe linnte snámha chun linnte snámha poiblí a oibriú agus a chothabháil arna reáchtáil acu i gcomhpháirt leis an údarás áitiúil.

Soláthraíonn údaráis áitiúla faisnéis agus comhairle don phobal maidir le suíomhanna áiteanna súgartha, áiseanna, uaireanta oscailte agus imeachtaí atá le teacht.

Féadfaidh údaráis áitiúla giomnáisiamaí lasmuigh a sholáthar agus a chothabháil a thairgeann raon de threalamh aclaíochta lasmuigh amhail siúladáin, crostraenálaithe, meaisíní rámhaíochta agus meaisíní troitheán.

Féadfaidh údaráis áitiúla ionaid agus seirbhísí fóillíochta a sholáthar agus a chothabháil, lena n-áirítear linnte snámha poiblí, giomnáisiamaí, ranganna aclaíochta agus oiliúna pearsanta, agus ceachtanna snámha.

Féadfaidh údaráis áitiúla limistéir chluichí ilúsáide a sholáthar agus a chothabháil ar féidir leo freastal ar réimse spórt agus cluichí amhail iománaíocht, leadóg, eitpheil, cispheil, líonpheil agus sacar.

Féadfaidh údaráis áitiúla linnte snámha poiblí a sholáthar agus a chothabháil, lena n-áirítear linnte leanaí.

Déanann údaráis áitiúla monatóireacht ar riocht páirceanna imeartha lena áirithiú go bhfuil siad oiriúnach le húsáid. Féadfaidh siad cosc a chur ar úsáid i gcás go ndearna an aimsir dochar do na páirceanna imeartha nó má tá gá le hoibreacha cothabhála amhail draenáil, barrchóiriú, athshíolú nó scraith a athchur.

Soláthraíonn agus cothabhálann údaráis áitiúla páirceanna imeartha féir agus uile-aimsire do chlubanna spóirt, d’eagraíochtaí pobail agus do dhaoine aonair le húsáid le haghaidh réimse gníomhaíochtaí spóirt amhail iománaíocht, peil Ghaelach, rugbaí agus sacar.

Féadfaidh údaráis áitiúla páirceanna scátála a sholáthar agus a chothabháil.

Féadfaidh údaráis áitiúla tacaíocht airgeadais a sholáthar d’eagraíochtaí spóirt pobail agus deonacha chun áitribh, páirceanna imeartha agus trealamh spóirt agus áineasa a fhorbairt agus a fheabhsú.

Féadfaidh údaráis áitiúla a bpáirceanna imeartha a ligean ar cíos don phobal le linn an tséasúir imeartha nuair nach bhfuil siad in úsáid ag clubanna spóirt ceadúnaithe nó ag eagraíochtaí pobail agus deonacha.

Féadfaidh údaráis áitiúla tacaíocht airgeadais agus cúnamh a sholáthar do ghrúpaí pobail, deonacha agus rothaíochta chun imeachtaí a bhaineann le rothaíocht a eagrú, amhail seiceálacha agus deisiúcháin rothar, agus cur chun cinn sábháilteachta rothaíochta le linn na Seachtaine Rothar náisiúnta.

Ní mór duit iarratas a dhéanamh chuig an údarás áitiúil más mian leat imeacht a reáchtáil i bpáirc phoiblí nó i limistéar glas. D’fhéadfadh laethanta spraoi teaghlaigh, laethanta spóirt, imeachtaí carthanais, imeachtaí spóirt, taispeántais ealaíne agus ranganna aclaíochta a bheith san áireamh sna himeachtaí.

Soláthraíonn údaráis áitiúla faisnéis agus comhairle faoi pháirceanna poiblí, lena n-áirítear suíomhanna, na háiseanna atá ar fáil, uaireanta oscailte agus imeachtaí atá le teacht.

Féadfaidh údaráis áitiúla páirceanna poiblí a sholáthar agus a chothabháil, ar páirceanna iad a thairgeann saoráidí amhail cosáin, rotharbhealaí, áiteanna súgartha, áiteanna scátála, páirceanna imeartha, giomnáisiamaí lasmuigh, seomraí tae, agus limistéir thaibhithe agus thaispeántais.

Ullmhaíonn údaráis áitiúla straitéisí chun áiteanna súgartha agus áiseanna súgartha do leanaí a fhorbairt. Féadfaidh tú ionchur a bheith agat sna straitéisí trí chomhairliúchán.

Féadfaidh údaráis áitiúla tacaíocht airgeadais a sholáthar do choistí áiteanna súgartha pobail chun trealamh áiteanna súgartha a cheannach agus dromchlaí áiteanna súgartha agus tírdhreachú áiteanna súgartha a chothabháil.