Tithíocht

Féadfaidh údaráis áitiúla áiteanna cónaithe indíghléasta amhail tithe soghluaiste, réamhdhéanta nó portacabins a sholáthar dóibh siúd a chónaíonn i ndálaí an-dona.

Féadfaidh údaráis áitiúla iarratas a dhéanamh chuig na cúirteanna chun tionóntaí a dhíshealbhú nó maoin a athshealbhú nuair i gcás nach bhfuil comhaontú ann maidir le riaráistí cíosa nó riaráistí morgáiste a íoc.

Féadfaidh údaráis áitiúla coistí a bhunú chun dul i gcomhairle le taistealaithe faoin gClár Cóiríochta don Lucht Taistil.

Ní mór d’úinéirí tí a cheannaigh a dteach trí scéim ceannaigh údaráis áitiúil cead a fháil ón údarás áitiúil chun a leas sa mhaoin a dhíol, a ath-mhorgáistiú nó a aistriú den chéad uair.

Féadfaidh sealbhóirí morgáiste údaráis áitiúil a d’íoc a morgáiste ina iomláine iarratas a dhéanamh chuig an údarás áitiúil ar dheimhniú chun a dhearbhú gur aistríodh na gníomhais réadmhaoine.

Féadfaidh údaráis áitiúla faisnéis agus comhairle a sholáthar d’eisimircigh Éireannacha atá ag filleadh maidir le conas iarratas a dhéanamh ar thithíocht in Éirinn.

Féadfaidh údaráis áitiúla fóirdheontas cíosa a sholáthar do shealbhóirí morgáiste a bhfuil iasachtaí úinéireachta comhroinnte acu.

Féadfaidh údaráis áitiúla tacú le duine bogadh isteach le tionónta atá ann cheana féin i maoin údaráis áitiúil.

Breithníonn údaráis áitiúla iarratais ó thionóntaí nach mian leo a bheith ina dtionóntaí údaráis áitiúil a thuilleadh.

Féadfaidh údaráis áitiúla iasachtaí a sholáthar chun oibreacha riachtanacha atógála nó feabhsúcháin a dhéanamh ar theach príobháideach duine.

Féadfaidh údaráis áitiúla, in éineacht le Grúpaí Idirghníomhaireachta an Lucht Taistil, anailís a dhéanamh ar riachtanais an lucht taistil chun cuidiú le forbairt seirbhísí oideachais agus oiliúna, sláinte, spóirt agus áineasa, agus seirbhísí sábháilteachta poiblí a phleanáil.

Déanann údaráis áitiúla measúnú ar iarratais ar thithíocht shóisialta bunaithe ar riachtanas tithíochta. Cuirtear iarratasóirí ceadaithe ar an liosta tithíochta a ndéantar athbhreithniú air gach bliain.

Féadfaidh údaráis áitiúla suíomhanna a sholáthar ar chostas íseal chun cabhrú leo siúd a bhfuil riachtanas tithíochta acu a dtithe féin a thógáil.

Féadfaidh údaráis áitiúla, i dteannta leis an Roinn Dlí agus Cirt, tithíocht a sholáthar dóibh siúd atá i gClár Cosanta Dídeanaithe na hÉireann.

Féadfaidh údaráis áitiúla tacú le duine a bhí ina chónaí le tionónta i dteach údaráis áitiúil maidir leis an tionóntacht a ghlacadh ar láimh nuair a thiocfaidh sí chun deiridh.

Cuidíonn údaráis áitiúla le Comhlachtaí Tithíochta Formheasta chun maoin a bhainistiú, a cheannach, a thógáil nó a léasú le haghaidh tithíochta sóisialta.

Tacaíonn údaráis áitiúla, i dteannta le gníomhaireachtaí eile, le grúpaí idirghníomhaireachta chun seachadadh seirbhísí do bhaill den lucht taistil a chomhordú agus a fheabhsú.

Féadfaidh údaráis áitiúla tacaíocht leasa tithíochta a thairiscint do thionóntaí leochaileacha a d’fhéadfadh a bheith i riaráistí cíosa nó morgáiste nó a bhfuil deacrachtaí acu lena dtionóntacht nó lena ndálaí maireachtála.

Tacaíonn údaráis áitiúla le tionóntaí nua agus le tionóntaí atá ann cheana féin chun a dtionóntacht a bhainistiú go rathúil.

Féadfaidh údaráis áitiúla tithíocht shóisialta a sholáthar duit má cháilíonn tú agus mura féidir leat do theach féin a fháil ar cíos nó a cheannach.

Féadfaidh údaráis áitiúla tacú le tionóntaí aistriú go teach eile an údaráis áitiúil.

Féadfaidh údaráis áitiúla tacú le taistealaithe atá ina gcónaí i dtithíocht shóisialta, i scéimeanna tithíochta grúpa nó i láithreáin stad.

Féadfaidh tú fógra a thabhairt d’údarás áitiúil faoi shaincheisteanna le tithe príobháideacha folmha agus faoi thithe folmha údaráis áitiúil.

Féadfaidh údaráis áitiúla cúnamh a sholáthar d’úinéirí tithe a bhfuil riaráistí morgáiste acu agus atá i mbaol a dteach a chailleadh. Féadfaidh úinéirí tí iarratas a dhéanamh ar aistriú ó bheith ina n-úinéirí tí go dtí a dteach a fháil ar cíos mar thionóntaí tithíochta sóisialta.

Féadfaidh údaráis áitiúla tacaíocht a sholáthar chun oibreacha feabhsúcháin a dhéanamh ar mhaoin faoi úinéireacht phríobháideach.

Féadfaidh údaráis áitiúla iasachtaí a chur ar fáil don lucht taistil chun carbháin a cheannach.

Féadfaidh údaráis áitiúla, i dteannta le gníomhaireachtaí eile, tithe a sholáthar ar phraghas laghdaithe do cheannaitheoirí céaduaire atá ag iarraidh maoin nua nó athláimhe a cheannach nó a dteach féin a thógáil.

Féadfaidh údaráis áitiúla teach sóisialta a dhíol leis an tionónta atá ina chónaí sa teach.

Féadfaidh údaráis áitiúla ligean d’úinéirí tithe a cheannaigh a dteach ón údarás áitiúil roimh mhí na Bealtaine 1978 an bunchíos ar an maoin a cheannach.

Féadfaidh údaráis áitiúla réadmhaoin folamh oiriúinach ar a bhfuil deisiúcháin ag teastáil a cheannach le haghaidh tithíochta sóisialta.

Féadfaidh údaráis áitiúla, i dteannta le gníomhaireachtaí eile, tithe a sholáthar do dhaoine incháilithe ar chíos níos ísle ná an margadh príobháideach.

Féadfaidh údaráis áitiúla cabhrú leat cóiríocht a fháil sa mhargadh príobháideach má cháilíonn tú le haghaidh forlíonadh cíosa fadtéarmach agus má tá riachtanas cáilithe tithíochta agat. Íocfaidh an t-údarás áitiúil an tiarna talún agus íocfaidh tú ranníocaíocht cíosa leis an údarás áitiúil.

Féadfaidh údaráis áitiúla tacaíocht airgeadais a sholáthar do Chomhlachtaí Tithíochta Formheasta chun tithíocht shóisialta a thógáil nó a cheannach do ghrúpaí tosaíochta amhail daoine scothaosta, daoine gan dídean nó daoine faoi mhíchumas.

Féadfaidh údaráis áitiúla síntí nó oiriúnuithe a dhéanamh ar thithe údaráis áitiúil amhail greimráillí, rampaí rochtana, seomraí fliucha nó seomraí leapa thíos staighre do thionóntaí níos sine nó do thionóntaí faoi mhíchumas.

Féadfaidh údaráis áitiúla tacaíocht airgeadais a sholáthar d’úinéirí réadmhaoine chun réadmhaoin atá folamh a dheisiú. Déantar an mhaoin a dheisiú agus a léasú leis an údarás áitiúil ar chostas laghdaithe.

Féadfaidh údaráis áitiúla tacú leo siúd atá i ngá práinneach nó atá in imthosca deacra chun iarratas a dhéanamh ar bhreithniúchán tosaíochta le haghaidh tithíocht an údaráis áitiúil.

Féadfaidh údaráis áitiúla morgáiste a sholáthar chun do theach féin a cheannach nó a thógáil más ceannaitheoir céaduaire tú.

Féadfaidh údaráis áitiúla cabhrú leat cóiríocht a fháil sa mhargadh príobháideach má cháilíonn tú do thithíocht shóisialta. Íocfaidh an t-údarás áitiúil an tiarna talún agus íocfaidh tú ranníocaíocht cíosa leis an údarás áitiúil.

Féadfaidh údaráis áitiúla liúntas morgáiste a sholáthar do thionóntaí agus do cheannaitheoirí tionóntaí chun cabhrú leo aistriú ó fháil ar cíos go teach príobháideach a cheannach nó a thógáil.

Féadfaidh údaráis áitiúla tacaíocht airgeadais a sholáthar do Chomhlachtaí Tithíochta Formheasta chun cóiríocht a thógáil nó a cheannach le haghaidh tithíochta sóisialta.

Féadfaidh údaráis áitiúla tithe a sholáthar faoi bhun phraghas an mhargaidh agus iad a leithdháileadh ar bhonn riachtanais dóibh siúd nach bhfuil in acmhainn ceannach ar an margadh oscailte.

Déanann údaráis áitiúla bainistíocht ar láithreáin stad agus ar scéimeanna tithíochta grúpa ina gcónaíonn an lucht taistil mar thionóntaí.

Féadfaidh údaráis áitiúla tacaíocht airgeadais a sholáthar do chumainn chónaitheoirí agus do ghrúpaí pobail chun cabhrú le cothabháil eastát.

Féadfaidh údaráis áitiúla caingean a thionscnamh i gcoinne áititheoirí neamhdhleathacha ar mhaoin údaráis áitiúil.

Féadfaidh údaráis áitiúla oibriú le gníomhaireachtaí eile chun an riosca a bhainistiú a bhaineann le ciontóirí gnéis atá ag lorg tacaíochta tithíochta.

Déanann údaráis áitiúla imscrúdú ar iompar frithshóisialta lena mbaineann tionóntaí údaráis áitiúil. Más gá, d’fhéadfadh go mbeadh An Garda Síochána (Fórsa Póilíní na hÉireann) rannpháirteach.

Déanann údaráis áitiúla bainistíocht agus deisiú ar réadmhaoin atá folamh sula ndéantar iad a athligean do thionóntaí.

Féadfaidh údaráis áitiúla deisiúcháin agus cothabháil a dhéanamh ar thithe údaráis áitiúil.

Féadfaidh údaráis áitiúla glantachán nó airíochas a sholáthar i gcoimpléisc árasán tithíochta sóisialta agus in aonaid chóiríochta don lucht taistil.

Féadfaidh údaráis áitiúla teach údaráis áitiúil a oiriúnú chun é a dhéanamh níos oiriúnaí do thionóntaí faoi mhíchumas.

Féadfaidh údaráis áitiúla oibreacha uasghrádaithe fuinnimh ceadaithe a dhéanamh ar thithe údaráis áitiúil, amhail insliú cuais nó balla seachtraigh, fuinneoga agus doirse nua, teas lárnach agus insliú áiléir.

Féadfaidh údaráis áitiúla comhpháirtíochtaí a dhéanamh leis an earnáil phríobháideach chun tithíocht shóisialta a sholáthar.

Féadfaidh údaráis áitiúla tithe nua a cheannach ó fhorbróirí réadmhaoine le haghaidh tithíochta sóisialta agus inacmhainne faoi Chuid V de na dlíthe pleanála.

Féadfaidh údaráis áitiúla réadmhaoin réidh le ligean a cheannach ó fhorbróirí réadmhaoine le haghaidh tithíochta sóisialta.

Féadfaidh údaráis áitiúla talamh oiriúnach nó tithe oiriúnacha a cheannach le haghaidh tithíochta sóisialta.

Féadfaidh údaráis áitiúla oibriú le húinéirí tithe príobháideacha folmha chun na tithe a thabhairt chun úsáide athuair le haghaidh tithíochta sóisialta.

Féadfaidh údaráis áitiúla réadmhaoin i riocht maith a léasú ó úinéirí réadmhaoine le haghaidh tithíochta sóisialta fadtéarmach.

Féadfaidh údaráis áitiúla réadmhaoin nua-thógtha nó atá fós le tógáil a léasú ó fhorbróirí réadmhaoine agus ó infheisteoirí le haghaidh tithíochta sóisialta.

Féadfaidh údaráis áitiúla réadmhaoin i riocht maith a léasú ó úinéirí réadmhaoine le haghaidh tithíocht sóisialta gearrthéarmach.

Ullmhaíonn údaráis áitiúla straitéisí d’fhorbairt tithíochta. Féadfaidh tú ionchur a bheith agat sna straitéisí seo trí chomhairliúchán.

Ullmhaíonn údaráis áitiúla pleananna do chóiríocht don lucht taistil. Féadfaidh tú ionchur a bheith agat sna pleananna seo trí chomhairliúchán.

Ullmhaíonn údaráis áitiúla straitéisí tithíochta do dhaoine faoi mhíchumas. Féadfaidh tú ionchur a bheith agat sna straitéisí trí chomhairliúchán.

Féadfaidh údaráis áitiúla fóraim a bhunú chun dul i gcomhairle faoi phleananna gníomhaíochta réigiúnacha maidir le heaspa dídine.

Féadfaidh údaráis áitiúla faisnéis agus comhairle a sholáthar dóibh siúd atá gan dídean nó atá i mbaol a bheith gan dídean.

Féadfaidh údaráis áitiúla taiscí cóiríochta nó réamhíocaíochtaí cíosa a sholáthar dóibh siúd atá gan dídean nó atá i mbaol a bheith gan dídean.

Féadfaidh údaráis áitiúla iad siúd atá gan dídean, nó atá i mbaol a bheith gan dídean, a tharchur chuig soláthraithe seirbhíse eile do dhaoine gan dídean.

Féadfaidh údaráis áitiúla cóiríocht éigeandála a sholáthar dóibh siúd atá gan dídean nó atá i mbaol a bheith gan dídean.

Féadfaidh údaráis áitiúla tacaíocht chóiríochta ghearrthéarmach agus mheántéarmach a sholáthar san ullmhú do mhaireachtáil neamhspleách.

Féadfaidh údaráis áitiúla oibriú le daoine aonair agus le teaghlaigh chun cabhrú leo bogadh amach as easpa dídine nó chun cosc a chur orthu a bheith gan dídean.

Féadfaidh údaráis áitiúla cóiríocht agus tacaíocht a sholáthar dóibh siúd a chodlaíonn amuigh.

Féadfaidh údaráis áitiúla, i dteannta le gníomhaireachtaí eile, áit the agus shábháilte a sholáthar do dhaoine a chodlaíonn amuigh in aimsir an-fhuar.

Féadfaidh údaráis áitiúla deontais a sholáthar dóibh siúd a bhfuil a dteach féin acu chun greimráillí, cithfholcadáin rochtana comhréidh, rampaí rochtana agus ardaitheoirí staighre a cheannach agus a shuiteáil.

Féadfaidh Comhairle Cathrach agus Contae Luimnigh deontais a sholáthar do thionscadail ghrúpa pobail faoi Phlean Athghiniúna Luimnigh.

Féadfaidh údaráis áitiúla tacaíocht airgeadais a sholáthar do thionóntaí tithíochta sóisialta chun oibreacha feabhsúcháin a dhéanamh ar a dtithe.

Féadfaidh údaráis áitiúla deontais a sholáthar d’úinéirí tí faoi mhíchumas chun a dteach faoi úinéireacht phríobháideach a oiriúnú chun freastal ar a gcuid riachtanas.

Féadfaidh údaráis áitiúla tacaíocht airgeadais a sholáthar don lucht taistil ar ceannaitheoirí céaduaire iad agus atá ag iarraidh teach príobháideach a cheannach nó a thógáil.

Féadfaidh údaráis áitiúla deontais a sholáthar do dhaoine scothaosta a bhfuil a dteach féin acu le haghaidh oibreacha deisiúcháin nó feabhsúcháin chun a dteach faoi úinéireacht phríobháideach a dhéanamh níos oiriúnaí dá gcuid riachtanas.

Féadfaidh údaráis áitiúla ranníocaíocht airgeadais a íoc le muirir iasachta nach mór iasachtaí a íoc ar iasacht tithíochta a údaráis áitiúil.

Ní mór do thionóntaí an údaráis áitiúil cíos seachtainiúil a íoc leis an údarás áitiúil as a gcuid maoine.

Ní mór do shealbhóirí morgáiste an údaráis áitiúil aisíocaíochtaí míosúla a dhéanamh leis an údarás áitiúil.

Gearrann údaráis áitiúla cíos bunaithe ar ioncam tionónta. Féadfar méid an chíosa a athbhreithniú le linn na tionóntachta.

Féadfaidh údaráis áitiúla socrú aisíocaíochta a dhéanamh le tionóntaí a bhfuil riaráistí cíosa acu.

Féadfaidh údaráis áitiúla socrú aisíocaíochta a dhéanamh le sealbhóirí morgáiste atá i riaráistí.

Cuireann údaráis áitiúla íoschaighdeáin i bhfeidhm chun a áirithiú go gcoinníonn tiarnaí talún réadmhaoin ar cíos príobháideach i riocht maith.

Féadfaidh údaráis áitiúla duine ar bith atá campáilte go mídhleathach ar thalamh poiblí a bhaint.

Féadfaidh tú campaí mídhleathacha ar thalamh poiblí a thuairisciú don údarás áitiúil.

Bailíonn údaráis áitiúla sonraí tithíochta agus tugann siad do ghníomhaireachtaí ábhartha iad.

Féadfaidh údaráis áitiúla tuarascálacha agus faisnéis ar ábhair a bhaineann le tithíocht a sholáthar do ranna rialtais agus do ghníomhaireachtaí eile.