Acmhainní Daonna

Fógraíonn údaráis áitiúla, i dteannta le páirtithe leasmhara eile, folúntais poist, cuireann siad iarrthóirí ar an ngearrliosta, déanann siad measúnuithe agus agallaimh chun iarrthóirí rathúla a cheapadh.

Féadfaidh údaráis áitiúla, i dteannta le páirtithe leasmhara eile, cláir iarchéime a reáchtáil i nuálaíocht, bainistíocht straitéise agus athraithe, forbairt eacnamaíoch agus ghnó, bainistíocht tionscadail agus bainistíocht acmhainní daonna chun deis a thabhairt do chéimithe a gcuid scileanna a úsáid ina gcuid oibre leis an údarás áitiúil.

Féadfaidh údaráis áitiúla, i dteannta le páirtithe leasmhara eile, clár a reáchtáil chun cabhrú leat do phrintíseacht a chríochnú agus dul isteach sa lucht saothair. D’fhéadfaí pluiméireacht, plástráil, meicnic, leictreachas, saoirseacht cloiche agus siúinéireacht a chur san áireamh, nó mar theicneoirí cuntasaíochta nó printísigh TF.

Féadfaidh údaráis áitiúla iarratais a éascú agus a bhainistiú uathu siúd ar mian leo obair dheonach a dhéanamh leis an údarás áitiúil chun cabhrú leo taithí oibre a fháil agus cur lena CV.

Féadfaidh údaráis áitiúla glacadh le hiarratais ó dhaoine atá ag iarraidh taithí oibre a fháil lena n-áirítear mic léinn Idirthréimhse, mic léinn tríú leibhéal agus iarratasóirí ó chláir socrúcháin oibre le cúnamh.

Déileálann údaráis áitiúla, in éineacht le seirbhís chomhroinnte MyPay, le ceisteanna a bhaineann le pinsin ó bhaill foirne ar scor agus ó chomhairleoirí, lena n-áirítear faisnéis phinsin, ríomhanna agus íocaíochtaí.

Foilsíonn údaráis áitiúla polasaithe cumhdaigh agus cosanta leanaí. Clúdaíonn siad seo earcú foirne agus oibrithe deonacha agus oiliúint ar an gcaoi le hábhair imní maidir le cosaint leanaí nó leas leanaí a aithint agus a thuairisciú do Túsla nó don Gharda Síochána (na póilíní náisiúnta).

Féadfaidh údaráis áitiúla tuarascálacha agus faisnéis ar acmhainní daonna a sholáthar do ranna rialtais agus do ghníomhaireachtaí eile.

Bailíonn údaráis áitiúla sonraí acmhainní daonna agus tugann siad do ghníomhaireachtaí ábhartha iad.