Leabharlanna

Tugann leabharlanna poiblí úrscéalta Gaeilge, leabhair neamhfhicsin agus closleabhair ar iasacht do bhaill na leabharlainne.

Soláthraíonn leabharlanna poiblí acmhainní foghlama teanga ar líne agus ríomhleabhair i nGaeilge. Reáchtálann siad imeachtaí agus gníomhaíochtaí do leanaí trí mheán na Gaeilge freisin chun tacú leis an nGaeilge agus chun í a chur chun cinn.

Soláthraíonn leabharlanna poiblí rochtain ar an idirlíon saor in aisce d’úsáideoirí leabharlainne.

Féadfaidh baill leabharlainne earraí speisialaithe a iarraidh tríd an gcóras iasachtaí idir leabharlanna nach bhfuil ar fáil i gcóras leabharlainne poiblí na hÉireann.

Coinníonn leabharlanna poiblí bailiúcháin acmhainní, reáchtálann siad ceardlanna agus ranganna agus soláthraíonn siad faisnéis ar ábhair a bhaineann le sláinte chun sláinte agus folláine a fheabhsú i bpobail mar chuid den Chlár um Éire Sláintiúil ag Do Leabharlann.

Féadfaidh leabharlanna poiblí acmhainní ginealais a sholáthar, amhail taifid eaglaise, talún agus daonáirimh, cláir pharóiste, cartlanna nuachtán áitiúil, eolairí sráide agus bunachair shonraí ar líne ionas gur féidir le húsáideoirí leabharlainne taighde a dhéanamh ar stair a dteaghlaigh.

Féadfaidh leabharlanna poiblí spás a sholáthar inar féidir le grúpaí agus daoine aonair a gcuid saothar ealaíne a thaispeáint nó taispeántais stairiúla nó cultúrtha a chur suas.

Féadfaidh leabharlanna poiblí úrscéalta i dteangacha iasachta, leabhair neamhfhicsin agus closleabhair a thabhairt ar iasacht do bhaill na leabharlainne.

Féadfaidh leabharlanna poiblí páirt a ghlacadh i dtionscnamh chun saoránaigh agus institiúidí an Aontais Eorpaigh (AE) a nascadh trí fhaisnéis a sholáthar ar chearta saoránach an AE, ar na deiseanna atá ar fáil do shaoránaigh an AE agus maidir le conas leas a bhaint as na cearta agus na deiseanna seo.