Leabharlanna

Cuireann leabharlanna poiblí seirbhísí leabharlainne chun cinn trí fheachtais sna meáin, ábhar poiblíochta, láithreáin ghréasáin leabharlanna agus na meáin shóisialta, agus comhpháirtíochtaí le páirtithe leasmhara ábhartha.

Féadfaidh leabharlanna poiblí catalóga ar líne a sholáthar i mbrainsí leabharlainne ionas gur féidir le húsáideoirí leabharlainne teidil nó ábhair a bhfuil suim acu iontu a chuardach.

Féadfaidh leabharlanna poiblí imeachtaí agus gníomhaíochtaí cultúrtha, oideachais agus áineasa a reáchtáil atá ar fáil do bhaill na leabharlainne agus do dhaoine nach baill iad araon.

Féadfaidh leabharlanna poiblí clubanna a reáchtáil nó a óstáil amhail clubanna obair bhaile, clubanna Lego, clubanna cniotála, fuála agus garraíodóireachta inar féidir le leanaí agus le daoine fásta foghlaim faoi ábhair éagsúla, scileanna nua a fhorbairt agus bualadh le daoine.

Féadfaidh leabharlanna poiblí blaganna a fhoilsiú ar a láithreáin ghréasáin, a thugann nuacht leabharlainne, léirmheasanna ar leabhair, liostaí léitheoireachta molta, agus faisnéis ábhartha eile chun leabharlanna agus a n-úsáid a chur chun cinn.

Soláthraíonn leabharlanna poiblí rochtain ar líne chun ligean d’úsáideoirí leabharlainne a bheith ina mbaill den leabharlann, leabhair a chur in áirithe, agus a gcuid iasachtaí a fheiceáil agus a athnuachan.

Féadfaidh leabharlanna poiblí printéirí, fótachóipeálaithe agus scanóirí a sholáthar lena n-úsáid ag an bpobal.

Tugann leabharlanna poiblí leabhair le cló mór ar iasacht do bhaill na leabharlainne.

Soláthraíonn leabharlanna poiblí raon cúrsaí teanga ar líne saor in aisce do bhaill na leabharlainne.