Leabharlanna

Féadfaidh leabharlanna poiblí féilte liteartha, léitheoireacht fhilíochta, ranganna scríbhneoireachta cruthaithí, agus díospóireachtaí painéil le húdair a óstáil chun léitheoireacht agus scríbhneoireacht a chur chun cinn.

Féadfaidh leabharlanna poiblí acmhainní litearthachta amhail scéimeanna léitheoireachta, léitheoirí ardspéise ar leibhéal íseal agus spléach-chártaí a thabhairt ar iasacht do bhaill den leabharlann.

Soláthraíonn leabharlanna poiblí WiFi saor in aisce d’úsáideoirí leabharlainne.

Féadfaidh leabharlanna poiblí cathaoireacha rothaí a sholáthar chun cabhrú le daoine a bhfuil fadhbanna soghluaisteachta acu dul timpeall ar fhoirgneamh na leabharlainne.

Féadfaidh leabharlanna poiblí cuairt a thabhairt ar scoileanna chun mic léinn a chur ar an eolas faoi sheirbhísí leabharlainne, conas a bheith páirteach sa leabharlann agus na hacmhainní atá ar fáil dóibh.

Féadfaidh leabharlanna poiblí turais a thabhairt ar fhoirgnimh agus ar bhailiúcháin leabharlainne, taispeántais ar úsáid threalamh na leabharlainne, agus faisnéis faoi bhallraíocht leabharlainne do mhic léinn agus do ghrúpaí eile chun úsáid leabharlann a chur chun cinn.

Is féidir le baill na leabharlainne earraí atá amuigh ar iasacht a chur in áirithe nó leabhair a fháil ar iasacht ó leabharlann eile i gcóras leabharlainne poiblí na hÉireann.

Féadfaidh leabharlanna poiblí bloc-iasachtaí d’acmhainní leabharlainne a sholáthar do scoileanna, do ghrúpaí agus d’eagraíochtaí.

Féadfaidh leabharlanna poiblí leabhair a fhoilsiú, saor in aisce nó ar díol, ar ábhair spéisiúla mar stair áitiúil, daoine mór le rá, filíocht agus stair a gcuid leabharlann.