Leabharlanna

Soláthraíonn leabharlanna poiblí nuachtáin laethúla agus seachtainiúla áitiúla agus náisiúnta do dhuine ar bith le léamh sa leabharlann.

Féadfaidh leabharlanna poiblí tacú le cláir náisiúnta ar nós Seachtain na hOidhreachta, Seachtain na hEolaíochta, Seachtain na nInnealtóirí, Seachtain Náisiúnta na gCrann, Seachtain na Gaeilge, Lá Domhanda na Leabhar agus Féile na Bealtaine trí ghníomhaíochtaí agus imeachtaí ábhartha a reáchtáil i leabharlanna le linn na ndátaí seo.

Féadfaidh leabharlanna poiblí rochtain ar sheirbhísí leabharlainne a thabhairt do bhaill leabharlainne ar bhonn féinseirbhíse le linn uaireanta oscailte fada chun leabhair a fháil ar iasacht agus a thabhairt ar ais, an t-idirlíon agus WiFi a úsáid, agus priontáil, fótachóipeáil agus staidéar a dhéanamh.

Féadfaidh leabharlanna poiblí dlúthdhioscaí ceoil a thabhairt ar iasacht do bhaill na leabharlainne.

Féadfaidh leabharlanna poiblí saoráidí a sholáthar chun ligean d’úsáideoirí leabharlainne a gcuid ríomhairí glúine, táibléad agus fón póca a luchtú.

Féadfaidh leabharlanna poiblí irisí a thabhairt ar iasacht duit más ball den leabharlann tú.

Féadfaidh leabharlanna poiblí bailiúcháin grianghrafadóireachta, faisnéis daonáirimh, cartlanna nuachtán, léarscáileanna stairiúla agus ábhar staire áitiúla eile a sholáthar le haghaidh tagartha agus le húsáid sa leabharlann.

Féadfaidh leabharlanna poiblí, in éineacht le staraí cónaithe áitiúil, clár imeachtaí staire áitiúla a reáchtáil sa leabharlann, lena n-áirítear cainteanna agus léachtaí, ceardlanna, siúlóidí agus turais, clubanna leabhar staire, blaganna agus taispeántais.

Féadfaidh leabharlanna poiblí staraí áitiúil a fhostú go ceann tréimhse áirithe chun clár Staraithe Áitiúla Cónaithe a sholáthar.