Féadfaidh údaráis áitiúla imeachtaí agus gníomhaíochtaí a reáchtáil do leanaí agus do dhaoine óga, amhail amharclann sráide, ceardlanna, taispeáintí agus léitheoireacht mar chuid de Lá Náisiúnta Cruinniú na nÓg chun rannpháirtíocht i gcultúr agus i gcruthaitheacht a spreagadh.
Féadfaidh údaráis áitiúla imeachtaí agus gníomhaíochtaí cultúrtha a reáchtáil chun folláine an phobail a chur chun cinn mar chuid den Chlár náisiúnta Éire Chruthaitheach.
Féadfaidh údaráis áitiúla tacaíocht airgeadais a sholáthar do ghrúpaí pobail agus deonacha agus d’aon duine a bhfuil baint acu le hearnálacha na n-ealaíon, an chultúir, na hoidhreachta agus na dteangacha chun tionscadail a fhorbairt d’fhonn rochtain ar na healaíona, cultúr agus cruthaitheacht, agus léirthuiscint orthu, a fheabhsú.
Féadfaidh údaráis áitiúla doiciméid a fhoilsiú faoi na healaíona, amhail catalóga, bailiúcháin agus ábhar ar líne chun tacú leis na healaíona agus chun iad a chur chun cinn.
Féadfaidh údaráis áitiúla tacú le healaíontóirí agus le heagraíochtaí ealaíon maidir le saothair scríofa nó labhartha a chruthú i nGaeilge chun an teanga a chur chun cinn agus a cheiliúradh.
Féadfaidh údaráis áitiúla faisnéis agus comhairle a sholáthar faoi na healaíona agus faoin imeachtaí na n-ealaíon trí nuachtlitreacha a fhoilsiú, bileoga a dháileadh, faisnéis a fhoilsiú ar na meáin shóisialta agus ar láithreáin ghréasáin, nó foláirimh ríomhphoist a sheoladh.
Féadfaidh údaráis áitiúla, i dteannta le páirtithe leasmhara eile, cláir cheoil, ealaíne agus amharclainne a reáchtáil i scoileanna chun mic léinn a spreagadh páirt a ghlacadh sna healaíona agus chun deis a thabhairt dóibh taibhiú.
