Services

Foilsíonn údaráis áitiúla clár poiblí maidir le freastal ag comhairleoirí ar chruinnithe comhairle, cruinnithe coistí, oiliúint agus comhdhálacha.

Coinníonn údaráis áitiúla clár poiblí úinéirí agus oibreoirí stáisiún peitril agus tancaer breosla.

Féadfaidh údaráis áitiúla féar a ghearradh i bpáirceanna poiblí, i spásanna glasa oscailte, ar thaobh an bhóthair, ar thimpealláin agus in eastáit tithíochta údaraithe.

Féadfaidh Oifigí Fiontair Áitiúla cláir ghairide a reáchtáil chun tuiscint bhunúsach a thabhairt dóibh siúd a bhfuil smaoineamh bia acu nó atá ag an gcéim luath-thionscanta maidir lena bhfuil i gceist le gnóthas déantúsaíochta bia nó deochanna a bhunú.

Féadfaidh údaráis áitiúla, i dteannta le páirtithe leasmhara eile, cláir iarchéime a reáchtáil i nuálaíocht, bainistíocht straitéise agus athraithe, forbairt eacnamaíoch agus ghnó, bainistíocht tionscadail agus bainistíocht acmhainní daonna chun deis a thabhairt do chéimithe a gcuid scileanna a úsáid ina gcuid oibre leis an údarás áitiúil.

Soláthraíonn údaráis áitiúla tacaíocht airgeadais do scéimeanna uisce grúpa chun seirbhísí uisce a sholáthar nó chun seirbhísí atá ann cheana féin a uasghrádú.

Féadfaidh údaráis áitiúla imeachtaí a sholáthar nó a éascú i bpáirceanna poiblí, amhail pictiúrlanna lasmuigh, margaí, gníomhaíochtaí sláinte agus folláine, agus imeachtaí do leanaí chun an pobal a spreagadh na páirceanna a úsáid.

Foilsíonn údaráis áitiúla clár poiblí d’íocaíochtaí le comhairleoirí, lena n-áirítear tuarastail, liúntais, taisteal agus cothú, agus costais a bhaineann le hoiliúint agus comhdhálacha.

Tacaíonn údaráis áitiúla, in éineacht leis an Údarás Náisiúnta Iompair, le hiompar poiblí inbhuanaithe trí chonairí agus seirbhísí bus, rotharbhealaí agus siúlbhealaí a sholáthar.

Coinníonn údaráis áitiúla clár poiblí na ngnólachtaí póraithe madraí.

Coinníonn údaráis áitiúla clár poiblí suíomhanna folmha.

Coinníonn údaráis áitiúla clár poiblí suíomhanna tréigthe.

Coinníonn údaráis áitiúla clár poiblí ina bhfuil sonraí faoi leasanna airgeadais agus leasanna eile a nochtann comhairleoirí agus fostaithe ábhartha na comhairle chun caighdeáin ionracais, iompair agus imní a chomhlíonadh do leas an phobail.

Féadfaidh leabharlanna poiblí, in éineacht le léitheoir cónaithe, clár léitheoireachta leabhar agus filíochta, cainteanna agus léachtaí, ceardlann agus clubanna leabhar a reáchtáil chun an léitheoireacht a chur chun cinn.

Féadfaidh údaráis áitiúla clár poiblí de limistéir chaomhnaithe ailtireachta a choinneáil. Is ceantair chaomhnaithe ailtireachta iad áiteanna, grúpa struchtúr nó bailedhreacha a bhfuil spéis ailtireachta, stairiúil, seandálaíochta, teicniúil, sóisialta, cultúrtha nó eolaíoch ag baint leis.

Coinníonn údaráis áitiúla clár poiblí na madraí a gabhadh.

Coinníonn údaráis áitiúla clár poiblí gnólachtaí a bhfuil ceadúnas acu leachtanna nó séarachas a scaoileadh chuig aibhneacha, lochanna agus chuig an bhfarraige.

Foilsíonn údaráis áitiúla clár poiblí na ndaoine incháilithe agus cláraithe go léir atá i dteideal vótáil i dtoghcháin agus reifrinn áitiúla, náisiúnta agus Eorpacha.

Féadfaidh údaráis áitiúla, i dteannta le páirtithe leasmhara eile, léirithe ceoil, taispeántais agus turais a sholáthar i músaeim, i ndánlanna, i leabharlanna agus in ionaid eile mar chuid den Oíche Cultúir náisiúnta.

Reáchtálann údaráis áitiúla clár chun leanaí bunscoile tríú rang a theagasc faoi shábháilteacht ó dhóiteán sa bhaile agus sa phobal, agus conas a dteaghlaigh agus a dtithe a chosaint ar dhóiteáin.