Services

Féadfaidh údaráis áitiúla tacaíocht airgeadais a sholáthar do ghrúpaí pobail, d’iontaobhais aibhneacha agus lochanna, agus do chomhpháirtíochtaí dobharcheantair chun tionscadail chaomhnaithe gnáthóg, cosc tuile nádúrtha agus feabhsúcháin taitneamhachta a dhéanamh chun cáilíocht uisce, sláinte agus folláine a fheabhsú.

Féadfaidh comhairleoirí maoiniú a sholáthar do ghrúpaí pobail agus deonacha i gceantair áirithe do thionscadail phobail ar mhórscála a chuireann forbairt an cheantair chun cinn.

Féadfaidh údaráis áitiúla tacaíocht airgeadais a sholáthar do ghrúpaí pobail, do scoileanna agus d’eagraíochtaí neamhrialtasacha comhshaoil chun tionscadail bheaga chomhshaoil a dhéanamh d’fhonn forbairt inbhuanaithe a chur chun cinn.

Féadfaidh údaráis áitiúla tacaíocht airgeadais a sholáthar do ghrúpaí pobail, deonacha agus gnó chun tacú le tionscadail forbartha pobail a sholáthraíonn nó a fheabhsaíonn áiseanna taitneamhachta, áineasa, comhshaoil, cultúrtha agus oidhreachta agus a chuireann cuimsiú sóisialta chun cinn.

Féadfaidh údaráis áitiúla tacú le cuideachtaí forbartha áitiúla, gníomhaireachtaí stáit, eagraíochtaí pobail agus infheisteoirí príobháideacha maoiniú rialtais a fháil chun tionscadail a fhorbairt a thacaíonn le cruthú post agus le nuálaíocht, a thugann aghaidh ar dhídhaonrú, a fhorbraíonn bonneagar agus saoráidí pobail, agus a chosnaíonn cultúr agus oidhreacht i bpobail thuaithe.

Féadfaidh údaráis áitiúla oibriú le cuideachtaí forbartha áitiúla, gníomhaireachtaí stáit, eagraíochtaí pobail agus infheisteoirí príobháideacha chun maoiniú rialtais a fháil chun tacú le forbairtí cónaithe agus tráchtála nua i gcathracha agus i mbailte ainmnithe.

Féadfaidh Seirbhísí Cartlainne imeachtaí agus tionscadail a eagrú nó páirt a ghlacadh iontu gcomhpháirtíocht le comhlachtaí eile, lena n-áirítear Éire Chruthaitheach, an Clár Deich mBliana na gCuimhneachán agus cláir mhaoinithe Síochána AE. Glacann siad páirt freisin i bhféilte náisiúnta agus in imeachtaí mar Sheachtain na hOidhreachta, Seachtain na Gaeilge agus Bealtaine.

Féadfaidh údaráis áitiúla, i dteannta le páirtithe leasmhara eile, cláir cheoil, ealaíne agus amharclainne a reáchtáil i scoileanna chun mic léinn a spreagadh páirt a ghlacadh sna healaíona agus chun deis a thabhairt dóibh taibhiú.

Féadfaidh údaráis áitiúla cónaitheachtaí ealaíne, tionscadail óige, agus cláir ealaíon agus fholláine a reáchtáil chun rannpháirtíocht i ngach foirm ealaíne agus meas orthu siúd a mhéadú.

Féadfaidh údaráis áitiúla, mar aon lena gComhpháirtíochtaí Spóirt Áitiúla, cláir a reáchtáil chun spórt agus gníomhaíocht choirp a chur chun cinn, amhail imeachaí trastíre, siúlóidí sléibhe do theaghlaigh, cláir shnámha scoile, campaí um chuimsiú spóirt, agus imeachtaí gníomhaíochta coirp do leanaí, do theaghlaigh agus do dhaoine scothaosta.

Féadfaidh údaráis áitiúla taispeántais, imeachtaí agus féilte a reáchtáil chun feasacht an phobail ar ailtireacht, agus baint an phobail léi, a mhéadú.

Coinníonn údaráis áitiúla clár poiblí na n-adhlacthaí go léir i reiligí an údaráis áitiúil.

Coinníonn an Oifig Náisiúnta um Cheadanna Bailithe Dramhaíola i gComhairle Contae Uíbh Fhailí clár poiblí de gach cead agus deimhniú saoráide dramhaíola a deonaíodh, a athbhreithníodh, a cúlghaireadh agus a chuaigh in éag ar fud na n-údarás áitiúil go léir.

Coinníonn údaráis áitiúla clár poiblí áiseanna sloda camrais.

Féadfaidh údaráis áitiúla clár a reáchtáil chun daoine a roghnú as ceantar nó a bhfuil naisc láidre acu leis an gceantar mar ambasadóirí chun an ceantar a chur chun cinn mar áit iontach chun cónaí agus oibriú ann, cuairt a thabhairt air, infheistíocht a dhéanamh ann nó staidéar a dhéanamh ann.

Féadfaidh údaráis áitiúla, i dteannta le gníomhaireachtaí eile, comhtháthú agus athlonnú dídeanaithe i gclár Ard-Choimisinéir na Náisiún Aontaithe do Dhídeanaithe (UNHCR) a éascú. Déanann siad é seo trí sheirbhísí amhail cúram leighis, cúram leanaí, oideachas, tacaíochtaí sóisialta agus pobail a chomhordú, agus naisc leis an nGarda Síochána (Fórsa Póilíní na hÉireann) agus le tacaíochtaí sábháilteachta pobail.

Féadfaidh údaráis áitiúla clár oibreacha agus imeachtaí a reáchtáil chun bailte múrtha stairiúla a chosaint agus a chaomhnú.

Féadfaidh Seirbhísí Cartlainne ábhar acmhainní oideachais, rochtain ar chartlanna, cainteanna, cuir i láthair agus comhpháirtíochtaí tionscadail a sholáthar d’oideoirí agus do mhic léinn.

Féadfaidh údaráis áitiúla, in éineacht le cartlannaí cónaithe, clár imeachtaí a bhaineann le cartlanna a reáchtáil go ceann tréimhse sonraithe ama.

Coinníonn údaráis áitiúla clár stóras pléascach agus áitreabh cláraithe.