Comhordaíonn údaráis áitiúla cruinnithe chun comhairleoirí a éascú chun vótáil i dtoghcháin an tSeanaid agus chun ainmniúcháin d’iarrthóirí a chur ar aghaidh do thoghcháin uachtaránachta.
Coinníonn údaráis áitiúla taifead poiblí ar struchtúir cosanta. Is struchtúir cosanta iad struchtúir a bhfuil spéis ailtireachta, stairiúil, seandálaíochta, ealaíne, cultúrtha, eolaíochta, sóisialta nó teicniúil ag baint leo.
Féadfaidh údaráis áitiúla tairseacha ar líne a sholáthar inar féidir leat páirt a ghlacadh sa phróiseas comhairliúcháin phoiblí. Is féidir é seo a dhéanamh trí chlárú chun comhairliúcháin oscailte nó comhairliúcháin atá le teacht a fheiceáil nó a chuardach, nó trí bhreathnóireacht a chur isteach.
Reáchtálann Oifigí Fiontair Áitiúla (LEOnna), i dteannta le Fiontraíocht Éireann, Líonra Éireann agus Acadamh na bhFiontraithe, seó bóthair ar fud na tíre chun fiontraithe baineanna a spreagadh agus chun tacú leo. Déanann sé é seo trí mhná gnó Éireannacha, ar cliaint iad de chuid Fiontraíocht Éireann nó de chuid an LEO, a chur os comhair an phobail.
Féadfaidh leabharlanna poiblí bogearraí ríomhaireachta ar leith, lúba ionduchtaithe éisteachta agus teicneolaíochtaí cúnta agus oiriúnaitheacha eile a sholáthar d’úsáideoirí leabharlainne a bhfuil deacrachtaí radhairc, éisteachta agus foghlama acu.
Féadfaidh leabharlanna poiblí imeachtaí a bhaineann go sonrach le huathachas a sholáthar, amhail amanna scéalta céadfacha, scéalta sóisialta, litearthacht, léirthuiscint ealaíne agus taispeáintí scannáin. Féadfaidh siad limistéir chiúin, saor ó thranglam a sholáthar chun leabharlanna a dhéanamh fáilteach do dhaoine a bhfuil uathachas acu agus dá gcúramóirí.
Féadfaidh údaráis áitiúla tionscnaimh a reáchtáil chun tacú le seirbhísí inrochtana agus cuimsithe do dhaoine scothaosta i dtithíocht, iompar, rannpháirtíocht agus cuimsiú sóisialta, cumarsáid agus faisnéis, sábháilteacht phobail agus sláinte agus folláine.
Féadfaidh údaráis áitiúla oibriú le grúpaí pobail agus oidhreachta, gnólachtaí agus earnáil na turasóireachta chun tionscadail a fhorbairt chun foirgnimh agus spásanna oidhreachta áitiúla a chosaint agus áit tharraingteach a sholáthar chun cónaí agus oibriú inti agus chun cuairt a thabhairt uirthi.
Féadfaidh údaráis áitiúla conairí ceoil, cláir oideachais, máistir-ranganna agus léachtaí a reáchtáil chun oidhreacht cheoil uathúil réigiúin a cheiliúradh agus a chaomhnú, turasóireacht a chur chun cinn agus spéis i léiriú ceoil traidisiúnta na hÉireann a spreagadh.
Féadfaidh údaráis áitiúla, i dteannta le comhpháirtithe Eorpacha, páirt a ghlacadh i dtionscadail a dhéanann iniúchadh ar a gcomhoidhreacht, agus a fhorbraíonn tuiscint níos fearr ar na naisc chultúrtha agus stairiúla eatarthu.
Féadfaidh údaráis áitiúla, i dteannta le comhpháirtithe Eorpacha, páirt a ghlacadh i dtionscadail a dhéanann iniúchadh ar a bhféiniúlachtaí áitiúla agus a neartaíonn iad, agus a fhorbraíonn tuiscint níos fearr ar na naisc chultúrtha agus stairiúla eatarthu.
Féadfaidh údaráis áitiúla tionscnaimh a fhorbairt agus tacú leo chun comhtháthú, cuimsiú sóisialta agus comhionannas a chur chun cinn, amhail ceiliúradh Lá Náisiúnta, Seachtain Mhórtais na dTaistealaithe agus na Romach, tionscnaimh Mhórtais Pobail agus an tSeachtain um Chuimsiú Sóisialta.
Féadfaidh údaráis áitiúla conairí bia agus deochanna, rianta ceoil agus rianta ealaíne, ceardaíochta agus dearaidh a reáchtáil chun cultúr áitiúil a thaispeáint agus láithreacha a chur chun cinn mar chinn scríbe turasóireachta tarraingteacha.
Féadfaidh údaráis áitiúla tionscnaimh a reáchtáil chun comhionannas, éagsúlacht agus cuimsiú a chur chun cinn trí na healaíona agus chun cabhrú le daoine rochtain a fháil ar na healaíona agus páirt a ghlacadh iontu.
Féadfaidh údaráis áitiúla tionscnaimh a reáchtáil do dhaoine scothaosta chun cabhrú leo rochtain a fháil ar na healaíona agus páirt a ghlacadh iontu mar ealaíontóirí, baill den lucht féachana, criticeoirí agus oibrithe ealaíon.
Féadfaidh údaráis áitiúla ceiliúradh lae náisiúnta agus gníomhaíochtaí ealaíon a reáchtáil le pobail nua chun éagsúlacht chultúrtha agus comhtháthú cultúrtha a chur chun cinn agus a cheiliúradh trí na healaíona.
Féadfaidh údaráis áitiúla tionscnaimh a reáchtáil do dhaoine faoi mhíchumas chun cabhrú leo rochtain a fháil ar na healaíona agus páirt a ghlacadh iontu mar ealaíontóirí, oibrithe ealaíon agus baill den lucht féachana.
