Services

Tacaíonn údaráis áitiúla le Dáil na nÓg, an pharlaimint náisiúnta do dhaoine óga, agus le Comhairle na nÓg, an chomhairle leanaí agus óige a thugann cead cainte do dhaoine óga maidir le seirbhísí, beartais agus saincheisteanna a théann i bhfeidhm orthu. Féadfar baill Chomhairle aon nÓg a thoghadh go Dáil na nÓg chun díospóireacht a dhéanamh agus chun dul i ngleic le saincheisteanna a théann i bhfeidhm ar dhaoine óga, amhail athrú aeráide, sláinte mheabhrach, féiniúlacht inscne agus forbairt saoráidí do dhaoine óga.

Féadfaidh Seirbhísí Cartlainne páirt a ghlacadh i gcláir náisiúnta amhail Deich mBliana na gCuimhneachán agus Cuimhneachán an Ghorta Náisiúnta chun imeachtaí suntasacha stairiúla na hÉireann a chomóradh agus a cheiliúradh.

Féadfaidh leabharlanna poiblí tacú le grúpaí agus eagraíochtaí áitiúla trí ionad le haghaidh gníomhaíochtaí pobail, foireann oilte leabharlainne chun suí ar choistí agus ar thascfhórsaí, agus pointe dáilte le haghaidh faisnéise pobail a chur ar fáil.

Féadfaidh leabharlanna poiblí grúpaí scríbhneoireachta cruthaithí a reáchtáil nó a óstáil ina mbuaileann daoine le chéile go neamhfhoirmiúil chun labhairt faoina gcuid scríbhneoireachta agus chun a gcuid scileanna a fheabhsú.

Féadfaidh leabharlanna poiblí grúpaí a reáchtáil nó a óstáil inar féidir le leanaí óga bualadh le chéile, súgradh agus éisteacht le scéalta agus inar féidir le tuismitheoirí agus caomhnóirí dul i gcomhairle a chéile maidir le saincheisteanna tuismitheoireachta agus luath-óige.

Féadfaidh Oifigí Fiontair Áitiúla, in éineacht leis an Líonra Fiontar Eorpach, tacú le fiontair bheaga agus mheánmhéide leas a bhaint as deiseanna gnó agus teicneolaíochta san Aontas Eorpach agus i mór-mhargaí domhanda eile.

Féadfaidh údaráis áitiúla tacú le scéim chun rochtain a thabhairt do bhunscoileanna ar speisialtóirí oidhreachta ar féidir leo oibriú le múinteoirí agus le mic léinn chun eolas ar oidhreacht áitiúil agus léirthuiscint uirthi a fhorbairt mar chuid den Scéim Náisiúnta Oidhreachta i Scoileanna.

Féadfaidh údaráis áitiúla tacú le féilte ealaíon áitiúla trí thacaíocht airgeadais a thabhairt, cláir fhéile a fhorbairt agus cur leo, ionaid a sholáthar agus féilte a chur chun cinn chun spéis sna healaíona a spreagadh.

Soláthraíonn údaráis áitiúla áiseanna digiteacha agus teicneolaíochta chun tacú le físchomhdháil d’imeachtaí fíorúla mar sheimineáir ghréasáin, seimineáir, cruinnithe tionscadail, agallaimh agus cruinnithe faisnéise comhairle.

Féadfaidh údaráis áitiúla tacú le healaíontóirí agus le heagraíochtaí ealaíon maidir le saothair scríofa nó labhartha a chruthú i nGaeilge chun an teanga a chur chun cinn agus a cheiliúradh.

Féadfaidh údaráis áitiúla tacú le gnóthais oibreacha uasghrádaithe a dhéanamh ar an taobh amuigh dá n-áitribh. I measc na n-oibreacha seo tá cóireáil teorann, deisiú ballaí, péinteáil, tírdhreachú agus oibreacha eile a fheabhsaíonn cuma a n-áitreabh.

Féadfaidh údaráis áitiúla fóraim a bhunú agus tacú leo chun oibriú le pobail imirceacha agus guth a thabhairt dóibh siúd atá ag obair chun cuimsiú sóisialta, comhtháthú agus rannpháirtíocht i bpróiseas cinnteoireachta an údaráis áitiúil a bhaint amach.

Féadfaidh údaráis áitiúla fóraim a bhunú agus tacú leo chun ligean do ghrúpaí pobail agus deonacha, comhlachtaí forbartha áitiúla, ionadaithe poiblí agus gníomhaireachtaí stáit oibriú le chéile chun aghaidh a thabhairt ar dhúshláin atá roimh phobail thuaithe, agus réitigh a mholadh. D’fhéadfaí cruthú post, iompar feabhsaithe agus rochtain ar leathanbhanda a chur san áireamh sna dúshláin.

Féadfaidh údaráis áitiúla fóraim a bhunú agus tacú leo ina n-oibríonn comhairleoirí tofa agus grúpaí pobail, deonacha agus oidhreachta le chéile chun pleananna oidhreachta a fhorbairt agus gníomhaíochtaí tosaíochta a aithint chun an oidhreacht áitiúil a bhainistiú.

Oibríonn údaráis áitiúla leis an nGarda Síochána (na póilíní náisiúnta), ionadaithe tofa agus grúpaí pobail agus deonacha chun aghaidh a thabhairt ar choireacht, neamhord poiblí agus iompar frithshóisialta agus molann siad bealaí chun cabhrú le coireacht a laghdú agus sábháilteacht an phobail a fheabhsú.

Féadfaidh Oifigí Fiontair Áitiúla meantóireacht duine le duine, anailís agus pleanáil scórchárta gnó, sainoiliúint agus sainchomhairleoireacht, agus tacaíocht airgeadais a sholáthar chun cabhrú le gnóthais bheaga ullmhú le haghaidh Breatimeachta.

Féadfaidh údaráis áitiúla tacú le heagraithe imeachtaí trí ghlanadh bruscair agus glanadh sráideanna a dhéanamh tar éis maratón, rásaí páirceanna, féilte agus imeachtaí trá.

Féadfaidh údaráis áitiúla faisnéis agus tacaíocht a chur ar fáil do ghrúpaí pobail agus deonacha maidir le tionscnamh Náisiúnta Glantacháin Earraigh.

Tacaíonn údaráis áitiúla, i dteannta le gníomhaireachtaí eile, le grúpaí idirghníomhaireachta chun seachadadh seirbhísí do bhaill den lucht taistil a chomhordú agus a fheabhsú.

Féadfaidh údaráis áitiúla tacaíocht leasa tithíochta a thairiscint do thionóntaí leochaileacha a d’fhéadfadh a bheith i riaráistí cíosa nó morgáiste nó a bhfuil deacrachtaí acu lena dtionóntacht nó lena ndálaí maireachtála.