Services

Féadfaidh leabharlanna poiblí podchraoltaí a sholáthar ar ábhair ábhartha ar féidir le húsáideoirí leabharlainne éisteacht leo ar leathanach podchraoladh na leabharlainne nó iad a íoslódáil agus a shábháil ar tháibléad, ríomhaire glúine nó feiste eile.

Féadfaidh údaráis áitiúla pointí luchtaithe a sholáthar do charranna leictreacha ag limistéir ainmnithe.

Soláthraíonn údaráis áitiúla pointí ceangail leathanbhanda ag láithreacha ar leith chun seirbhísí leathanbhanda ar ardchaighdeán a sholáthar do phobail áitiúla.

Féadfaidh leabharlanna poiblí printéirí 3T agus oiliúint a sholáthar maidir lena n-úsáid ionas gur féidir le húsáideoirí leabharlainne a gcoincheapa 3T féin a chruthú.

Féadfaidh leabharlanna poiblí cianrochtain ar phrintéirí a sholáthar ionas gur féidir le húsáideoirí leabharlainne doiciméid a sheoladh óna mbaile nó óna n-oifig chuig printéir sa leabharlann agus iad a phriontáil níos déanaí sa leabharlann.

Féadfaidh leabharlanna poiblí printéirí, fótachóipeálaithe agus scanóirí a sholáthar lena n-úsáid ag an bpobal.

Féadfaidh údaráis áitiúla ráitis a ullmhú ar dhearadh sráidbhailte.

Féadfaidh sealbhóirí morgáiste údaráis áitiúil a d’íoc a morgáiste ina iomláine iarratas a dhéanamh chuig an údarás áitiúil ar ráiteas chun a dhearbhú gur íocadh an morgáiste.

Foilsíonn údaráis áitiúla ráitis bhliantúla chun sonraí a sholáthar faoi shíntiúis pholaitiúla a fuair comhairleoirí i rith na bliana roimhe sin.

Féadfaidh údaráis áitiúla treoirlínte a ullmhú le haghaidh forbartha sa Limistéar Caomhnaithe Ailtireachta a mhíníonn oidhreacht ailtireachta agus carachtar an cheantair. Is áit, limistéar, grúpa struchtúr nó bailedhreach é Limistéar Caomhnaithe Ailtireachta a bhfuil spéis speisialta ailtireachta, stairiúil, seandálaíochta, teicniúil, sóisialta, cultúrtha nó eolaíoch ag baint leis, nó a chuireann le léirthuiscint ar Struchtúr Cosanta.

Rialaíonn údaráis áitiúla stóráil, dáileadh, díol agus soláthar guail deataigh íseal agus rialaíonn siad úsáid guail dheataigh agus féadfaidh siad ceantair a ainmniú mar chriosanna deataigh ísle.

Féadfaidh údaráis áitiúla póna ainmhithe a sholáthar, áit ar féidir ainmhithe móra ar strae a fhaightear ar thalamh poiblí nó príobháideach a choinneáil.

Déanann údaráis áitiúla imscrúdú ar iompar frithshóisialta lena mbaineann tionóntaí údaráis áitiúil. Más gá, d’fhéadfadh go mbeadh An Garda Síochána (Fórsa Póilíní na hÉireann) rannpháirteach.

Féadfaidh údaráis áitiúla socrú a dhéanamh go ngabhfar capaill ar strae ar thalamh poiblí agus iad a thabhairt chuig póna ainmhithe le bheith faighte ar ais ag an úinéir nó le húinéir nua a fháil.

Féadfaidh údaráis áitiúla madraí ar strae a ghabháil agus iad a thabhairt chuig póna madraí le bheith faighte ar ais ag an úinéir nó le húinéir nua a fháil.

Féadfaidh údaráis áitiúla caingean a thionscnamh ina gcoinne siúd a dhéanann dó dramhaíola neamhúdaraithe i gcúlchlóis.

Rialaíonn údaráis áitiúla gníomhaíochtaí leata talún ar fheirmeacha chun cáilíocht uisce a chosaint.

Déanann údaráis áitiúla monatóireacht ar shalachar madraí in áiteanna poiblí agus féadfaidh siad beart a dhéanamh i gcoinne úinéirí.

Féadfaidh leabharlanna poiblí bailiúcháin grianghrafadóireachta, faisnéis daonáirimh, cartlanna nuachtán, léarscáileanna stairiúla agus ábhar staire áitiúla eile a sholáthar le haghaidh tagartha agus le húsáid sa leabharlann.

Soláthraíonn leabharlanna poiblí rochtain ar an idirlíon saor in aisce d’úsáideoirí leabharlainne.