Services

Féadfaidh Oifigí Fiontair Áitiúla meantóireacht duine le duine a sholáthar d’úinéirí agus do bhainisteoirí gnó i réimsí amhail bainistíocht ghinearálta, straitéis ghnó, pleanáil airgeadais, taighde margaidh, margaíocht agus cur chun cinn, agus pleanáil láithreán gréasáin.

Féadfaidh údaráis áitiúla, in éineacht le Grúpaí Idirghníomhaireachta an Lucht Taistil, anailís a dhéanamh ar riachtanais an lucht taistil chun cuidiú le forbairt seirbhísí oideachais agus oiliúna, sláinte, spóirt agus áineasa, agus seirbhísí sábháilteachta poiblí a phleanáil.

Déanann údaráis áitiúla measúnú ar iarratais ar thithíocht shóisialta bunaithe ar riachtanas tithíochta. Cuirtear iarratasóirí ceadaithe ar an liosta tithíochta a ndéantar athbhreithniú air gach bliain.

Féadfaidh Seirbhísí Cartlainne taifid atá i seilbh dhaoine aonair agus eagraíochtaí a mheas le seiceáil an gá iad a chaomhnú agus a chur ar fáil don phobal.

Gearrann údaráis áitiúla cíos bunaithe ar ioncam tionónta. Féadfar méid an chíosa a athbhreithniú le linn na tionóntachta.

Déanann údaráis áitiúla measúnú ar iarratais phleanála ábhartha chun an tionchar ar limistéir faoi chaomhnú speisialta (SACanna) a thomhas. I measc na ngnáthóg agus na speiceas nach mór a chosaint i SACanna tá portaigh, dumhcha gainimh, lochanna, aibhneacha, coillearnacha, dobharchúnna, bradáin agus deilfeanna bolgshrónacha.

Déanann údaráis áitiúla measúnú ar iarratais phleanála ábhartha chun an tionchar ar limistéir faoi chosaint speisialta (SPAnna) a thomhas. Cosnaíonn SPAnna éin neamhchoitianta leochaileacha, éin imirceacha agus bogaigh.

Féadfaidh údaráis áitiúla measúnú a dhéanamh ar chórais chóireála agus dhiúscartha fuíolluisce atá beartaithe ar láithreáin atá á mbreithniú le haghaidh tithe aonair.

Ní mór duit a iarraidh ar an údarás áitiúil measúnú riachtanais a dhéanamh más mian leat fruilcharr a oibriú i gceantar tuaithe.

Féadfaidh údaráis áitiúla oibriú le gníomhaireachtaí eile chun an riosca a bhainistiú a bhaineann le ciontóirí gnéis atá ag lorg tacaíochta tithíochta.

Féadfaidh údaráis áitiúla pleananna bainistíochta cothaithigh a mheas lena áirithiú nach ndéanfaidh scaipeadh slodaí orgánacha agus leasachán damáiste don chomhshaol.

Féadfaidh údaráis áitiúla micrishlis a chur i madra sa phóna madraí.

Féadfaidh údaráis áitiúla moil ealaíon a sholáthar d’ealaíontóirí chun a gcuid oibre a thaispeáint, ionas gur féidir leo iad a úsáid le haghaidh cleachtaí nó mar spásanna goir le haghaidh amharcealaíon, amharclannaíochta, ceoil, scríbhneoireachta agus cineálacha ealaíne eile.

Féadfaidh leabharlanna poiblí liostaí léitheoireachta molta a sholáthar do leanaí agus do dhaoine fásta chun an léitheoireacht a chur chun cinn.

Déanann údaráis áitiúla monatóireacht ar dhálaí bóthair le linn drochaimsire le fáil amach an bhfuil gá le gaineamh nó grean a chur ar bhóithre nó le smionagar a bhaint.

Déanann údaráis áitiúla monatóireacht ar riocht páirceanna imeartha lena áirithiú go bhfuil siad oiriúnach le húsáid. Féadfaidh siad cosc a chur ar úsáid i gcás go ndearna an aimsir dochar do na páirceanna imeartha nó má tá gá le hoibreacha cothabhála amhail draenáil, barrchóiriú, athshíolú nó scraith a athchur.

Féadfaidh údaráis áitiúla monatóireacht a dhéanamh ar cháilíocht uisce in aibhneacha agus i lochanna chun sláinte an phobail a chosaint agus an comhshaol a chosaint.

Déanann údaráis áitiúla monatóireacht ar cháilíocht uisce óil i soláthairtí uisce príobháideacha rialáilte.

Féadfaidh údaráis áitiúla monatóireacht a dhéanamh ar fhaisnéis ar cháilíocht uisce snámha le linn shéasúr snámha an tsamhraidh agus an fhaisnéis sin a fhoilsiú.

Déanann údaráis áitiúla monatóireacht ar cháilíocht uisce óil i ngrúpscéimeanna uisce.