Services

Féadfaidh údaráis áitiúla, i dteannta le gníomhaireachtaí eile, páirt a ghlacadh i Líonra Náisiúnta na gCathracha agus na gContaetha Sláintiúla in Éirinn trína gCoistí Forbartha Pobail Áitiúla chun sláinte agus folláine ar feadh an tsaoil a chur chun cinn agus tionchar a imirt ar bheartas sláinte náisiúnta.

Féadfaidh údaráis áitiúla imeachtaí agus gníomhaíochtaí cultúrtha a reáchtáil chun folláine an phobail a chur chun cinn mar chuid den Chlár náisiúnta Éire Chruthaitheach.

Coinníonn leabharlanna poiblí bailiúcháin acmhainní, reáchtálann siad ceardlanna agus ranganna agus soláthraíonn siad faisnéis ar ábhair a bhaineann le sláinte chun sláinte agus folláine a fheabhsú i bpobail mar chuid den Chlár um Éire Sláintiúil ag Do Leabharlann.

Féadfaidh Coistí Forbartha Pobail Áitiúla tacú le grúpaí pobail agus le tionscadail phobail a laghdaíonn an bhochtaineacht agus a chuireann cuimsiú sóisialta chun cinn.

Soláthraíonn Coistí Forbartha Pobail Áitiúla tacaíocht airgeadais do ghrúpaí pobail agus deonacha chun tacú le tionscadail chaipitil bheaga a fheabhsaíonn saoráidí i gceantair faoi mhíbhuntáiste. D’fhéadfadh go n-áireofaí orthu siúd lárionaid agus conláistí pobail, reiligí, áiseanna spóirt agus áineasa, seideanna fear agus ban, agus trealamh CCTV a fhorbairt.

Féadfaidh Grúpaí Gníomhaíochta Áitiúla tacaíocht airgeadais a sholáthar do ghrúpaí agus do ghnólachtaí pobail agus deonacha chun tionscadail turasóireachta tuaithe, forbairt fiontraíochta, leathanbhanda agus fuinnimh in-athnuaite a fhorbairt chun geilleagair thuaithe agus cáilíocht na beatha i gceantair thuaithe a fheabhsú.

Féadfaidh leabharlanna poiblí bailiúcháin acmhainní a choinneáil, ceardlanna agus ranganna a reáchtáil, agus faisnéis a sholáthar ar ábhair a bhaineann le gnó agus fostaíocht, amhail ullmhúchán poist, do ghnóthas féin a bhunú, margaíocht agus úsáid na meán sóisialta chun do ghnóthas a chur chun cinn.

Féadfaidh údaráis áitiúla cúnamh a sholáthar d’úinéirí tithe a bhfuil riaráistí morgáiste acu agus atá i mbaol a dteach a chailleadh. Féadfaidh úinéirí tí iarratas a dhéanamh ar aistriú ó bheith ina n-úinéirí tí go dtí a dteach a fháil ar cíos mar thionóntaí tithíochta sóisialta.

Féadfaidh leabharlanna poiblí páirt a ghlacadh i dtionscnamh chun saoránaigh agus institiúidí an Aontais Eorpaigh (AE) a nascadh trí fhaisnéis a sholáthar ar chearta saoránach an AE, ar na deiseanna atá ar fáil do shaoránaigh an AE agus maidir le conas leas a bhaint as na cearta agus na deiseanna seo.

Féadfaidh Oifigí Fiontair Áitiúla maoiniú a thabhairt d’fhiontraithe óga chun a gcuid smaointe gnó a fhorbairt.

Féadfaidh Coistí Forbartha Pobail Áitiúla, in éineacht le páirtithe leasmhara eile, aontaí gairmeacha a reáchtáil chun faisnéis agus comhairle a sholáthar maidir le deiseanna oideachais tríú leibhéal agus gairme.

Féadfaidh údaráis áitiúla spásanna maireachtála fóirdheonaithe a sholáthar d’ealaíontóirí aitheanta ar fud gach foirm ealaíne chun ligean dóibh maireachtáil, oibriú agus cur leis na healaíona ar leibhéal áitiúil.

Féadfaidh leabharlanna poiblí léirmheasanna leabhar a sholáthar i gcló nó ar a láithreáin ghréasáin chun an léitheoireacht a chur chun cinn.

Feidhmíonn údaráis áitiúla pónaí madraí chun úinéirí nua a fháil do mhadraí a seachadadh chuig an bpónaí.

Féadfaidh údaráis áitiúla pointí fágála a sholáthar do chrainn Nollag nádúrtha ag láithreáin conláiste cathartha nó ag láithreáin eile.

Féadfaidh údaráis áitiúla iarratas a dhéanamh chuig na cúirteanna chun tionóntaí a dhíshealbhú nó maoin a athshealbhú nuair i gcás nach bhfuil comhaontú ann maidir le riaráistí cíosa nó riaráistí morgáiste a íoc.

Féadfaidh údaráis áitiúla bailíochtú an lae chéanna a sholáthar thar an gcuntar maidir le roinnt iarratas pleanála.

Féadfaidh údaráis áitiúla tacú le tionscadail chun sonraí oidhreachta áitiúla a bhailiú amhail logainmneacha ceantair agus reiligí stairiúla agus iad a chaomhnú do na glúnta atá le teacht.

Féadfaidh údaráis áitiúla duilleoga tite le haghaidh múirínithe a bhailiú ó pháirceanna poiblí, áiteanna súgartha, taobhanna bóthair agus spásanna glasa oscailte.

Féadfaidh soláthraithe tairiscintí a chur isteach chun earraí, seirbhísí nó oibreacha a sholáthar d’údaráis áitiúla i gcomhréir le treoirlínte soláthair na hearnála poiblí.